Qolbasshy stýdent jastarmen kezdesti
QR Qorǵanys mınıstrligi baspasóz qyzmetiniń habarlaýynsha, áńgime 2013 jyly áskerı qyzmetke qabyldaý pýnktterin uıymdastyrý jáne azamattardy kelisimshart boıynsha áskerı qyzmetke tartý jónindegi úgit-nasıhat jumystaryn belsendirý jónindegi is-sharalardyń keshendi josparyn bekitý týraly Qazaqstan Respýblıkasy Qorǵanys mınıstriniń buıryǵy aıasynda boldy.
«Ońtústik» óńirlik áskerı qolbasshylyǵynyń qolbasshysy stýdentter aýdıtorııasyna el Prezıdentiniń basshylyǵymen jasalyp jatqan jarqyn ister jóninde, onyń ishinde ulttyq qaýipsizdik salasynda atqarylǵan ister týraly habarlady. «Ońtústik» óńirlik áskerı qolbasshylyǵynyń búgingi tynys-tirshiligi týraly aıta kelip, ol áskerlerdi joǵary oqý oryndary áskerı kafedralaryn bitirgen zapastaǵy ofıtserlermen jınaqtaý máselesin tilge tıek etti.
«Áskerı qyzmetshilerdiń alańsyz qyzmet etýi úshin memleket barlyq jaǵdaıdy jasap otyr. Oqýdy bitirgen soń kelisimshart boıynsha qyzmetke kelý sizderdiń kópshiligińizdiń áleýmettik mártebelerińizdi kóteredi», - dedi general-maıor T.Qoıbaqov.
Stýdentterdiń kelisimshart qyzmeti boıynsha ofıtser laýazymyna taǵaıyndalýy jóninde «Ońtústik» óńirlik áskerı qolbasshylyǵynyń kadrlar qyzmetiniń ókilderi tolyq maǵlumat berdi. Bolashaq mamandarǵa Qazaqstan Respýblıkasynyń «Áskerı qyzmet jáne áskerı qyzmetshilerdiń mártebesi týraly» jańa Zańynyń erejeleri túsindirildi.