Qolaısyz aýa raıy: Karavansaray Turkistan nysanyndaǵy «Altyn Samuryq» ǵımaraty búlindi
TÚRKІSTAN. QazAqparat – 23 sáýir kúni Túrkistan qalasynda aýa-raıynyń qolaısyz jaǵdaıy saldarynan Karavansaray Turkistan nysanyndaǵy «Altyn Samuryq» ǵımaraty búlindi. Bul týraly QazAqparat Karavansaray Turkistan týrıstik kesheniniń ákimshiligine silteme jasap habarlaıdy.
«Ǵımarattyń búlingen jerleri tez anyqtalyp, tıisti qaýipsizdik sharalary qoldanyldy. Barlyq qajetti protsedýralar dereý júrgizildi. «Altyn Samuryq» ǵımaratynyń azdaǵan búlinýi bir kúnniń ishinde joıylyp, qaıta paıdalanýǵa engizilgen. Bolashaqta osyndaı jaǵdaıdy boldyrmaý maqsatynda arnaıy qadaǵalaý júrgizilýde», - dep atap ótti Karavansaray Turkistan týrıstik kesheniniń ákimshiliginen.
