Qolaısyz meteorologııalyq jaǵdaıda oqýshylar men stýdentter qashyqtan oqytyla ma — Bektenov jaýaby

ASTANA. KAZINFORM — Premer-Mınıstr Oljas Bektenov Senat depýtattarynyń qolaısyz meteorologııalyq jaǵdaıda mektepterdi, kolledjder men joǵary oqý oryndaryn qashyqtan oqytýǵa kóshirýge qatysty saýalyna jaýap berdi.

— Qoldanystaǵy zańnamaǵa sáıkes, qashyqtan oqytý bilim alýdyń resmı bekitilgen nysany sanalady ári tıisti buıryqpen retteledi. Qashyqtan oqytý formaty qolaısyz meteorologııalyq jaǵdaıda, tótenshe jaǵdaı, shekteý is-sharalary, medıtsınalyq kórsetilimder, ata analardyń ótinimderi nemese ózge de negizder kezinde qoldanylady. Osylaısha, qolaısyz meteorologııalyq jaǵdaıdyń ekinshi jáne úshinshi deńgeıinde, sonymen qatar zııandy zattardyń ruqsat etilgen kontsentratsııasy 3 eseden asqan jaǵdaıda jergilikti atqarýshy organdar oqýshylardyń densaýlyǵyn qorǵaý úshin olardy qashyqtan oqytýǵa kóshirý týraly sheshim qabyldaýǵa quqyly, — dedi Úkimet basshysy jaýabynda.

Búgin elimizdiń 11 qalasynda aýa sapasy nasharlaıtynyn jazǵan edik.