Qolaısyz aýa raıyna qaramastan temirjol shtattyq rejımde jumys istep tur

ASTANA.KAZINFORM — Qolaısyz aýa raıyna qaramastan QTJ jelisinde elimizdiń barlyq óńirlerine poıyzdar esh kedergisiz qatynap tur. Bul týraly QTJ baspasóz qyzmeti málim etti.

QTJ jelisinde elimizdiń barlyq óńirlerinde poezdardyń qaýipsiz qozǵalysyn qamtamasyz etý maqsatynda kezekshilikke daıyn 280-nen astam qar tazalaıtyn tehnıka jumyldyrylǵan.

Qolaısyz aýa-raıynda temirjolshylar úzdiksiz tasymaldaý protsesin uıymdastyrýǵa barynsha kúsh salyp otyr. 

Temirjol ınfraqurylymyn qardan tazartý boıynsha jumystar úzdiksiz táýlik boıy júrgizilýde. 3-4 qańtarǵa qaraǵan túni Aqmola, Qostanaı, Pavlodar, Abaı jáne Qaraǵandy óńirlerindegi temir joldardy tazartý úshin 11 tehnıka jumyldyryldy. Qazirgi ýaqytta kúndizgi aýysymda 10 birlik tehnıka jumys istep jatyr.

Aıta keteıik, kesheden beri jolda qalǵan 500 jolaýshy poıyzben qatynaýǵa májbúr boldy.