Qolaısyz aýa raıyna baılanysty Jetisý oblysynda jol jabyldy

TALDYQORǴAN. KAZINFORM – QazAvtoJol Jetisý oblysynda kólik qozǵalysyna shekteý qoıylǵanyn habarlady.

- 2026 jylǵy 30 qańtar saǵat 11:30-da aýa raıynyń nasharlaýyna baılanysty respýblıkalyq mańyzy bar «Úsharal – Dostyq» avtojolynyń 84-164 shaqyrym aralyǵynda (Kóktuma aýylynan Dostyq stantsııasyna deıin) kóliktiń barlyq túriniń qozǵalysyna shekteý engiziledi, - delingen habarlamada.

Joldy 2026 jylǵy 2 aqpan saǵat 08:30-da ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Buǵan deıin búgin, 30 qańtarda eldegi qaı joldarda qozǵalys shektelgenin jazǵan bolatynbyz.