Qolaısyz aýa raıyna baılanysty poıyzdarda qosymsha oryndar uıymdastyryldy

ASTANA. KAZINFORM –  Astana — Pavlodar jáne Astana — Şýchınsk baǵyttaryndaǵy tasjoldardyń ýaqytsha jabylýy jáne qolaısyz aýa raıy jaǵdaılaryna baılanysty jolaýshylar úshin poıyzdarda qosymsha oryndar qarastyryldy.

Kólik qoljetimdiligin qamtamasyz etý maqsatynda 2025 jylǵy 10 naýryzda jolaýshylardy kelesi stantsııalardan otyrǵyzý uıymdastyrylady:

Ereımentaý stantsııasynan (Astanaǵa deıin):

• № 7501 «Pavlodar — Astana».

Kýrort Býrabaı stantsııasynan (Astanaǵa deıin):

• № 6830 «Kókshetaý — Astana»;

• № 6812 «Kýrort Býrabaı — Astana».

Ulttyq tasymaldaýshy poıyzdardyń úzdiksiz qozǵalysyn qamtamasyz etý maqsatynda jedel sharalar qabyldap, qolaısyz aýa raıy jaǵdaıynda tasymaldy qatań baqylaýda ustaıdy. Barsha azamattardy qaýipsizdik erejelerin saqtaýǵa jáne uzaq qashyqtyqqa saparlaýdy ýaqytsha shekteýge shaqyramyz, - delingen habarlamada.

Aıta ketsek aýa raıynyń nasharlaýyna baılanysty Astana halyqaralyq áýejaıynda áýe reısteri keshiktirilip jatyr.