Aýa raıyna baılanysty eki oblysta jol jabylady

ASTANA. KAZINFORM – QazAvtoJol kólik qozǵalysyn shekteýge qatysty shuǵyl aqparat jarııalady.

Búgin, 8 qarashada saǵat 14:00-de aýa raıynyń nasharlaýyna (boran, kóktaıǵaq, kóriný shekteýligi) baılanysty kelesi respýblıkalyq avtojoldarda kóliktiń barlyq túriniń qozǵalysyna shekteý qoıylady:

Aqmola oblysy:

«Astana – Shiderti – Pavlodar – Ýspenka – RF shek.» avtojolynyń 16-200 shaqyrym aralyǵyndaǵy ýchaskesi (Astana qalasynan Pavlodar oblysynyń shekarasyna deıin).

Pavlodar oblysy:

«Astana – Ereımentaý – Shiderti» avtojolynyń 200-254 shaqyrym aralyǵyndaǵy ýchaskesi (Aqmola oblysynyń shekarasynan Shiderti aýylyna deıin).

Joldy erteń, 9 qarashada saǵat 08:00-de ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Aıta keteıik, Qazgıdromet 8 qarashada aýa raıynyń qolaısyzdyǵyna baılanysty birqatar óńirde eskertý jarııalady.