Qola medalimdi áli alǵan joqpyn - ziltemirshi Ulanov
ASTANA. QazAqparat - Rıo Olımpıadasynda tórtinshi oryndy alyp, artynan qarsylasy dopıngpen ustalǵannnan keıin qola medal ıegeri atanǵan Denıs Ulanov ózine tıesili medaldi áli almapty. QazAqparat tilshisine suxbat bergen ziltemirshi Aleksen Nıdiń ketýine qatysty óz oıyn bildirdi.
«Endi, qazir rýmyn (Gabrıel Sınkraıan - avt.) sottasyp jatyr. Sondyqtan óz medalimdi áli alǵan joqpyn. Al Alekseı Nıdiń ketýi jaıynda aıtar bolsaq, Svetlana Podobedova, Maııa Manezalar dopıngpen ustalǵannan keıin ol da bir azamattyǵyn tanytyp, óz erkimen ketýge sheshim qabyldady dep oılaımyn. Menińshe, qazir aǵa býyn ókilderiniń ornyna jastar kóptep kele bastady. Soǵan saı mamandar bar degen oıdamyn. Bizdiń aýyr atletıkamyz onsyz qatty qınalyp qalady dep oılamaımyn. Sol orynǵa laıyqty jas ári daryndy bapkerler kóp», - dedi D.Ulanov.
Al Rıo Olımpıadasynyń kúmis júldegeri Jazıra Japparqul Qazaqstannyń ulttyq quramasyn 20 jyldan astam ýaqyt basqarǵan bapkerdiń ketkenin qalamaıdy.
Aıta keteıik, QR MSM Deneshynyqtyrý jáne sport isteri jónindegi komıtettiń tóraǵasy Elsııar Qanaǵatovtyń aıtýynsha, jeltoqsannyń 5-i kúni aýyr atletıkadan Qazaqstan quramasynyń bas bapkeri taǵaıyndalady.
