Qola belbeý ıesi Aıbek Nuǵymarov - EUÝ magıstranty
ASTANA. 25 qyrkúıek. QazAqparat - Ótken senbide Astanadaǵy «Saryarqa» velotrek kesheninde Qazaqstan Respýblıkasynyń Prezıdenti Nursultan Nazarbaevtyń júldesi úshin qazaq kúresinen osymen ekinshi ret respýblıkalyq jalpyulttyq «Qazaqstan barysy» týrnıri bolyp ótti.
Bul úlken jarysta elimizdiń on tórt oblysy men Astana jáne Almaty qalalarynan tórt aı buryn iriktelgen otyz eki palýan kúsh synasty.
Osy jarysqa Shyǵys Qazaqstan oblysynyń atynan «Shyǵys barysy» atanǵan belgili balýan, L.N Gýmelev atyndaǵy Eýrazııa ulttyq ýnıversıtetiniń magıstranty Aıbek Nuǵymarov ta qatysqan bolatyn. Ol birinshi kezdesýinde sambodan Azııa chempıony, Batys Qazaqstan oblysynyń namysyn qorǵaǵan Arman Ábeýovty upaı sanymen jeńip, ekinshi beldesýinde «Taraz arlany» Beıbit Ystybaevtan utyldy. Bul týraly L.N. Gýmılev atyndaǵy Eýrazııa ulttyq ýnıversıtetiniń baspasóz qyzmeti habarlap otyr.
Degenmen jas balýan Aıbek Nuǵymarov qola belbeý úshin aıqasta London olımpıadasyna qatysýshy Erjan Shynkeevti aıqyn basymdyqpen jeńip,10 000 dollardyń sertıfıkatyn utyp aldy. Bul jeńisimen ony búkil Shyǵys Qazaqstan oblysy jáne L.N.Gýmılev atyndaǵy Eýrazııa ulttyq ýnıversıtetiniń ujymy quttyqtady.
Aıbek Nuǵymarov Shyǵys Qazaqstan oblysynyń Abaı aýdanynda týǵan. 25 jastaǵy Aıbek qazaq kúresinen álemniń eki dúrkin chempıony. Ony 2005 jyldan beri Serik Qojykenov jattyqtyryp keledi. Al bıyl A.Nuǵymarov Eýrazııa ulttyq ýnıversıtetiniń magıstratýrasyna túskennen keıin, dene shynyqtyrý kafedrasynyń dotsenti Halyq Qojahmet jattyqtyratyn boldy.
- Maǵan bul palýandy ýnıversıtet rektory Erlan Sydyqovtyń ózi senip tapsyrǵan bolatyn. Sondyqtan da onymen jumys isteýdi úlken abyroı sanaımyn, - deıdi Halyq Jaqypuly.
