Qol jetkizilgen kelisimder halyqtarymyzdyń ıgiligine qyzmet etedi — Ilham Álıev
ASTANA. KAZINFORM — Memleket basshylarynyń brıfıngi barysynda Ilham Álıev ekijaqty baılanystardyń joǵary deńgeıine nazar aýdardy, dep habarlaıdy Aqordanyń baspasóz qyzmeti.
— Halyqtarymyzdy ortaq rýhanı-mádenı qundylyqtarǵa arqa súıegen ǵasyrlardan tamyr tartatyn dostyq pen baýyrlastyq qatynastar baılanystyrady. Bul — bizdiń memleketaralyq yntymaqtastyǵymyzdyń berik irgetasy. Sońǵy úsh jylda bir-birimizge onnan asa sapar uıymdastyrdyq. Yqpaldastyǵymyzdyń qanshalyqty qarqyndy ekenin osydan-aq ańǵarýǵa bolady. Árbir kezdesý, árbir talqylaý túpki nátıjeni kózdeıdi. Búgin biz salalyq mınıstrlikterdiń esebi men keleshek josparlaryn tyńdadyq. Jumys qorytyndysyna kóńil tolady. Óıtkeni belgilengen mindetterdiń bári oryndalyp jatyr. Memleketaralyq keńes aıasynda qol jetkizilgen kelisimder halyqtarymyzdyń ıgiligine qyzmet etedi, — dedi Ázerbaıjan Prezıdenti.
Eske salsaq, keshe Ázerbaıjan Prezıdenti Ilham Álıev Qazaqstanǵa memlekettik saparmen keldi.
Búgin Qasym-Jomart Toqaev Ázerbaıjan Prezıdentin Aqordada qarsy aldy.
Qazaqstan men Ázerbaıjan yntymaqtastyq týraly 15 qujatqa qol qoıdy.