Qol ustasyp úıinen qashqan tarazdyq ǵashyqtar Qyrǵyzstannan tabyldy
NUR-SULTAN. QazAqparat - Kórshi respýblıkadan jasóspirim qashqyn-ǵashyqtar tabyldy, dep habarlaıdy QazAqparat Polisia.kz resýrsyna silteme jasap.
23 naýryzda polıtsııaǵa oblys ortalyǵynyń 45 jastaǵy turǵyny 17 jastaǵy ulynyń joǵalyp ketkeni týraly habarlasqan, ol naýryzdyń 22-nen 23-ne qaraǵan túni úıinen belgisiz baǵytta shyǵyp, qaıtyp oralmaǵan.
Atalǵan derek boıynsha sotqa deıingi tergeý amaldary bastaldy.
Tergeý barysynda kámeletke tolmaǵan balanyń telefon nómirinen ketip bara jatqanda, ol úıden óz erkimen ketýge sheshim qabyldaǵany jáne qaıtyp oralmaıtyny týraly habarlama kelgeni anyqtaldy.
Sol kúni týystary jasóspirimdi izdeı bastaǵan.
Óz betinshe izdeý nátıje bermegen soń ata-anasy polıtsııaǵa júgindi.
Keıinirek jigittiń ketýiniń sebebi – onyń ata-anasy sóılesýge tyıym salǵan 16 jastaǵy dos qyzyna baılanysty otbasylyq janjal bolǵan.
Belgili bolǵandaı, jasóspirim ózi ǵana emes, súıiktisimen birge ketken.
Kámeletke tolmaǵandardy izdeýge Jambyl oblysynyń qalalyq jáne aýdandyq polıtsııa bólimderiniń barlyq jeke quramy jumyldyryldy.
Jasóspirimder týraly baǵdar Qazaqstan Respýblıkasynyń barlyq oblystyq polıtsııa departamentine jiberildi.
Sonymen qatar, izdeý sharalaryna eriktiler tartyldy.
Anasynyń aıtýynsha, ketip bara jatqan kezde kámeletke tolmaǵan balanyń qolynda uıaly telefony jáne metall synyqtaryn jınap-tapsyrǵannan túsken az ǵana aqshasy bolǵan.
14 kún boıy izdegen jasóspirimderdi Qyrǵyzstannyń polıtsııa qyzmetkerleri tapty.
Jastardyń densaýlyǵy men tártibine, olardyń ómirine eshteńe qaýip tóndirmeıdi.
Olardy tez tabý úshin barlyq sharalar qabyldandy. Іzdeý jumystaryn qıyndatýǵa tyrysqan olar shashtaryn qara túske boıaý arqyly syrtqy túrlerin ózgertken.
Ol jaqta da metall synyqtaryn jınap-tapsyrǵan qarjyǵa ómir súrgen. Qabyldaý pýnktine metall synyqtaryn tapsyrý kezinde kórshi
Respýblıkanyń mılıtsıoner-áriptesterimen ustaldy.
Qazirgi ýaqytta kámeletke tolmaǵandardyń zańdy ókilderi Qyrǵyzstanǵa ketti.
Tergeý amaldary júrgizilip jatyr.
