Qol kúresinen batysqazaqstandyq qos sportshy Azııa chempıonatyna joldama aldy
ORAL. QazAqparat - Shymkent qalasynda gir sportynan jáne qol kúresinen jasóspirimder men jastar, erler men áıelder arasynda ótken QR chempıonatynda batysqazaqstandyq sportshylar júldeli oıyndarǵa ıe boldy, dep habarlaıdy «QazAqparat» HAA tilshisi.
BQO dene shynyqtyrý jáne sport basqarmasynan túsken málimetke qaraǵanda, gir sportynan 2001 jylǵy jáne odan kishi jasóspirimder arasynda Jaqsyǵalı Baqtyǵalıev +73 keli salmaqta jáne 1999-2000 jylǵylar arasynda Rasýl Tóleýov +78 keli salmaqta kúmis júldeger atandy.
Qol kúresinen áıelder arasynda Kenjeqyz Qaýpenova 65 kg, Ásel Jumaǵambetova 80 kg salmaqta qola júldeni ıelenip, Qyrǵyzstanda, Ystyqkólde 1-10 maýsym aralyǵynda ótetin Azııa chempıonatyna joldama aldy.
Qol kúresinen BQO quramasynyń aǵa jattyqtyrýshysy Murat Ibatovtyń aıtýynsha, atalmysh chempıonat óte tartysty ótti. Mysaly, Shardaranyń ózinen 100-den astam sportshy qatysyp, olar absolıýttik salmaqta aldaryna jan salmady. Endi Almaty qalasynda 13-17 naýryz aralyǵynda jastar men jasóspirimder arasynda Azııa jáne álem birinshiligine baratyndar irikteledi. 
