Qol keptiretin apparattyń zııany kóp - Zertteýshiler
ASTANA. QazAqparat - Qol jýǵannan keıin paıdalanyp júrgen qol keptiretin apparat únemdiligi ári ekologııalyq jaǵynan paıdaly. Sondyqtan, kásiporyndarda ol qaǵaz ben betoramaldyń ornyn tez almastyrdy. Alaıda, ol kóptegen mıkrobtyń taraýyna áser etedi, dep habarlady ǵylymı Science World Report saıty.
Ǵalymdar arnaıy maqsatta atalǵan apparat ornatylatyn qoǵamdyq orynda kezdespeıtin qaýipsiz uıyǵan sýtekti bakterııany qolǵa jaǵyp, ony durys jýmaı qolkeptirgishti paıdalanyp kóredi. Zertteý jumysy nátıjesinde aýada uıyǵan sýtekti bakterııalar paıda bolady. Mamandardyń aıtýynsha, qolkeptirgishten aýaǵa taraıtyn bakterııalar sany 4,5 ese kóp. Al qaǵaz súlgini paıdalanǵanda taraıtyn bakterııalar sany odan 27 ese kem bolǵan.
Osylaısha «qolkeptirgish» túrli aýrýdy taratyp, adam densaýlyǵyna teris áser etýi múmkin degen boljam jasalyp otyr. Sondyqtan, ǵalymdar aýrýhana sııaqty mekemelerde dárethanalardyń jobasyn jasaǵan kezde osy derekterge nazar aýdarý kerektigin eskertedi.
