Qol dobynan Qazaqstannyń áıelder quramasy Azııa chempıony atandy

Bul synda Japonııa quramasy qola júldeger atandy. Olar 3-oryn úshin bolǵan oıynda QHR quramasyn 26:25 esebimen jeńdi.

Almatyda osymen ekinshi ret ótip otyrǵan bul dúbirli dodada Qazaqstan quramasy 2002 jyly qol jetkizgen nátıjesin taǵy da qaıtalady. Bul joly 19 jeltoqsanda jalaýy kóterilgen atalmysh básekege 8 komanda qatysty. 2011 jylǵy Álem chempıonatynyń lıtsenzııalyq jarysy bolǵandyqtan óz tobynda 1-2-oryn alǵan Qazaqstan, Qytaı, Ońtústik Koreıa jáne Japonııa quramalary 2011 jyly Brazılııada ótetin Álem chempıonatynyń joldamasyna ıe boldy. Jalpy bul baıraqty básekede Qazaqstan quramasy alǵashqy oıynda bıyl Gýanchjoýda ótken Azııa oıyndarynyń chempıony atanǵan Qytaı sportshylarymen kezdesip 25:22 esebimen utqan bolatyn. Olar odan keıin «A» tobyndaǵy Iran jáne KHDR quramalaryn utyp, jartylaı fınalda «V» tobynda 2-oryn alǵan Japonııa sportshylarynan 29:24 esebimen basym tústi.