Qol astyndaǵylardyń jemqorlyǵy úshin basshysy jumystan ketedi - Q.Qojamjarov
ASTANA. QazAqparat - Qol astyndaǵylar sybaılas jemqorlyǵy úshin sottalsa, basshysy otstavkaǵa ketedi. Búgin Senattyń jalpy otyrysynan keıin jýrnalısterge bergen suhbatynda Memlekettik qyzmet jáne sybaılas jemqorlyqqa qarsy kúres agenttiginiń tóraǵasy Qaırat Qojamjarov osyndaı normanyń zań arqyly bekitiletinin atap ótti.
Agenttik basshysynyń sózine qaraǵanda, búgingi kúni memlekettik qyzmette ótý, kóterilý týraly ereje bar, bul negizinen saıası memlekettik qyzmetkerlerge qatysty.
«Atalǵan baǵyttaǵy bir túzetý 2013 jyly engizilgen bolatyn, onda eger memlekettik saıası qyzmettegi basshynyń qaramaǵyndaǵy qandaı da bir qyzmetker sybaılas jemqorlyq qylmysy úshin sottalsa, eger úkim zańdy kúshine ense, onda basshy otstavkaǵa ketýi kerek. Bunda negizinen áńgime sol basshynyń taǵaıyndaýymen nemese onyń kelisimimen taǵaıyndalǵan qyzmetker týraly bolyp otyr. Onda mundaı otstavka týraly ótinish Memleket basshysyna beriledi jáne ony Prezıdent bir aı ishinde qaraıtyn bolady», - dedi Qaırat Qojamjarov.
Onyń aıtýynsha, keler jyly Parlamentke sybaılas jemqorlyqqa qarsy is-qımyldy qamtıtyn zań jobasy kelip túspek. Onda eger qol astyndaǵylary sybaılas jemqorlyǵy úshin sottalatyn bolsa, onda birinshi basshysy da jumystan ketetin norma qamtylyp otyr.
