Kókjaılaýda taýǵa shyǵam dep jaraqat alǵan týrıst qyz qutqaryldy
ALMATY. QazAqparat - Almaty taýlarynda adasyp qalǵan týrıst qyz qutqaryldy, dep habarlaıdy QazAqparat.
Búgin 15:49 kezinde Almaty qalasy tótenshe jaǵdaılar departamentiniń shuǵyl qyzmetine qala turǵyny habarlasyp, kómek suraǵan.
«Habarlasqan adam kezekshi operatorǵa Kókjaılaýda taýǵa shyqqan týrıst qyz jaraqat alyp, óz betinshe qozǵala almaı qalǵanyn aıtqan. Qutqarý qyzmetiniń ekıpajy tez arada qyzdy izdeýge kirisip ketti. Olar adasqan boıjetkenniń naqty qaı jerde ekenin habarlasqan adam aıtqan málimetterge qarap anyqtady» dep málim etti qalalyq qutqarý qyzmeti.
Qutqarýshylar týrısti tez tapty. Tıisti kómek kórsetilgen soń qyz qaýipsiz jerge jetkizildi. Odan keıin Apattyq medıtsına ortalyǵynyń dárigerlerine tapsyryldy
