Kókjaılaýda kóńil kótergender jazaǵa tartylady – Erlan Qojaǵapanov
ALMATY. QazAqparat – Almatyda Kókjaılaý shatqalynda jappaı demalysqa shyqqan azamattar jazaǵa tartylady. Bul týraly onlaın brıfıng barysynda qala ákiminiń birinshi orynbasary Erlan Qojaǵapanov aıtty, dep habarlaıdy QazAqparat tilshisi.
«Almaty terrıtorııasynda kóp adamnyń jınalýyna, maskasyz júrýge tyıym salynǵan. Bul adamdar osy talaptardy buzǵan. Kontsert qoıǵan, qoqys tókken. Olar eshqandaı uıymnyń sanktsııasyn almaǵan. Sanıtarlyq talaptardy oryndamaǵan. Qazir Polıtsııa departamentine naqty tapsyrma berdik. Bul azamattardyń ústinen ákimshilik is, qylmystyq ahýal baıqalsa tipti qylmystyq is qozǵaımyz», - dedi Erlan Qojaǵapanov.
Aıta ketý kerek, áleýmettik jelide Kókjaılaý shatqalynda saýyq keshin ótkizgender týraly vıdeo taraǵan bolatyn.
