Kókjaılaýda djıppen júrgen polıtseılerge qatysty departament túsinik berdi
ALMATY. QazAqparat - Kókjaılaýda jol talǵamaıtyn kólikpen júrgen polıtseılerge qatysty departament túsinik berdi, dep habarlaıdy QazAqparat tilshisi.
Áleýmettik jelilerde Kókjaılaýǵa djıppen kelgen polıtseılerdiń vıdeolary men sýretteri tarap, jelide qyzý talqylandy.
Almaty qalalyq PD baspasóz qyzmetiniń habarlaýynsha, beınejazba Bostandyq aýdandyq polıtsııa basqarmasy jergilikti polıtsııa qyzmeti bóliminiń qyzmetkerleri TJD jáne Іle-Alataý memlekettik ulttyq tabıǵı parkiniń ókilderimen birlesip taýly jerlerde demalýshylarǵa tabıǵatty qorǵaý, karantın jáne sanıtarlyq normalardy saqtaýdy túsindirý úshin júrgizilgen reıd barysynda túsirilgen.
«30 mamyr kúni túski saǵat 11:00-de biz tabıǵatty qorǵaý polıtsııasy qyzmetkerlerimen birge Kókjaılaý aýmaǵynda kelýshilermen profılaktıkalyq jumys júrgizdik. Patrýl kóligi joǵary kóterile almaǵandyqtan, meniń jeke Toyota Land Cruiser kóligimmen shyǵýǵa týra keldi, al patrýldik kólikti ekoposta qaldyryp kettik. Іle-Alataý MUTP aýmaǵynda ot jaǵý, zańsyz ań aýlaý syndy tártip buzýshylyqtardy anyqtaýǵa kómektesip júrgen polıtsııaǵa raqmet», - dedi Іle-Alataý memlekettik ulttyq tabıǵı parkiniń ınspektory Alekseı Potsenko.
Polıtseılerdiń aıtýynsha, taýly jerlerde qalalyq reıd 29 mamyrda bastalǵan, ol birneshe kezeńmen ótedi.
