Tarazda tramadoldyń zańsyz aınalymy áshkerelendi

TARAZ. KAZINFORM – Taraz qalasynyń prokýratýrasynyń tapsyrmasy boıynsha qalalyq PB EQQB-niń qyzmetkerlerimen jedel-tergeý is-sharalary júrgizilip, nátıjesinde tramadoldy zańsyz ótkizýdiń shemasy áshkerelenip, joly kesildi. 

Atap aıtqanda, Almaty qalasynan Taraz qalasy men Baızaq aýdanyna tramadoldy zańsyz ótkizý maqsatynda jetkizip otyrǵan ózara týystyq qatynastaǵy tulǵalar anyqtaldy.

Qaladaǵy dárihanalardyń birinde júrgizilgen tintý barysynda zańsyz ótkizýge arnalǵan quramynda tramadol bar suıyqtyq quıylǵan flakondar tárkilendi.

Atalǵan derek boıynsha QK-tiń 297-babynyń 3-bóligi 1-tarmaǵymen sotqa deıingi tergep-tekserý bastaldy.

Kórsetilgen quqyq buzýǵa qatysy bar degen kúdikpen Jambyl oblysynyń eki týmasy ustalyp, olarǵa qatysty kúzetpen ustaý túrindegi bultartpaý sharasy qoldanyldy.

Qazirgi ýaqytta osy iske qatysy bar basqa da adamdardy anyqtap, jaýapkershilikke tartý maqsatynda jedel-izdestirý jáne tergeý sharalary jalǵasyp jatyr.

Qosymsha, prokýrorlyq tekseris nátıjesinde qalalyq aýrýhalardyń biri naýqastardyń qajettiligine qaramastan satyp almaǵany anyqtaldy.

Sondaı-aq, qaladaǵy emhanalardyń birinde júrgizilgen tekserý nátıjesimen tramadoldy paıdalaný boıynsha tıisti eseptiń júrgizilmegeni anyqtaldy, bul onyń zańsyz aınalymyna alǵysharttar jasaıdy.

Anyqtalǵan zań buzýshylyqtarǵa boıynsha polıtsıamen QK-tiń 303-babynyń 1-bóligimen sotqa deıingi tergep-tekserýdi bastaldy.

Prokýratýra organdary psıhotroptyq pen esirtki zattardyń aınalymy salasyndaǵy zańnamany qatań saqtaý qajettigin eskertedi jáne mundaı preparattardyń qara naryqqa túsip ketýiniń aldyn alý maqsatynda medıtsınalyq mekemelerdi olardy qoldanýǵa qatysty esep pen baqylaýdy kúsheıtýge shaqyrady.

Aıta ketelik Almaty oblysynda bıyl 8 esirtki zerthanasy joıylǵan edi.