Kókjaılaý shatqalyndaǵy órt sóndirildi
ALMATY. QazAqparat - Kókjaılaý shatqalyndaǵy órt saǵat 13:03-te oqshaýlanyp, saǵat 13:28-de tolyq óshirildi, dep habarlaıdy QazAqparat tilshisi.
Almaty qalasy tótenshe jaǵdaılar departamentiniń málimetinshe, órt sóndirýshilerdi 1720 metr bıikte bolǵan órt ornyna TJM «Qazavıaqutqarý» AQ tikushaǵy jetkizdi.
«Órtti sóndirýge Almaty qalasy TJD jeke quramynan 56 adam, 13 tehnıka, «Qazavıaqutqarý» tikushaǵy, «Qazavıaormanqorǵaý» AQ 6 mamany, 55 memlekettik ınspektor, «Іle-Alataý» ulttyq parkiniń qyzmettik at patrýli jumyldyryldy»,- dep habarlady qalalyq TJD-dan.
Sondaı-aq departament ókilderi órt sóndirýde jergilikti qoldyń jetimsizdigi, bıiktik aıyrmashylyǵy qıyndyq týǵyzǵanyn habarlady.
Eske salaıyq, búgin Kókjaılaý shatqalynda qurǵaq shóp órtengen bolatyn.
