Kókjaılaý aýmaǵynda jaraqat alǵan týrıst qyz aýrýhanaǵa jetkizildi

ASTANA. KAZINFORM – Búgin Almaty qalalyq tótenshe jaǵdaılar departamentiniń «112» pýltine Medeý aýdanyndaǵy Kókjaılaý» taýly aımaǵynda bolǵan oqıǵa týraly habarlama tústi.

Málimetke sáıkes, tórt adamnan quralǵan týrıstik top quramynda júrgen 18 jastaǵy qyz aıaǵyn jaraqattap alǵan. Osyǵan baılanysty qutqarý qyzmeti shuǵyl túrde oqıǵa ornyna jiberildi.

- Jaıaý kóterilý joly bir saǵattan astam ýaqytty alyp, tik taýly betkeılermen, kúrdeli aýa raıy jaǵdaıynda jáne táýliktiń qarańǵy ýaqytynda júzege asyrylǵan, - dep jazdy TJM-nan.

Qutqarý jáne tasymaldaý jumystary barysynda Apattar medıtsınasy ortalyǵynyń qyzmetkerleri zardap shekken qyzǵa alǵashqy medıtsınalyq kómek kórsetti. Keıin týrıst qyz aýrýhanaǵa jetkizilip, medıtsınalyq mekemege jatqyzyldy.

Aıta keteıik, sheteldik týrıst Almaty taýlarynan zembilmen túsirildi.