«Kókjaldar mekeni» telehıkaıasynyń akteri kólik apatyna ushyrady
ASTANA. QazAqparat - «Kókjaldar mekeni» telehıkasynda Polat Alemdar rólin somdaıtyn Túrkııanyń belgili akteri Nedjatı Shashmaz kólik apatyna ushyrady, dep jazady 24.kz.
Qoldaǵy aqparatqa súıensek, búgin túnde ol telehıkaıa túsirilimderinde ózi júrgizgen avtokólikti baqylaýdan shyǵaryp alyp, jaraqat alǵan. Túsirilim júrip jatqan Ystambuldyń Góztepe aýdanyndaǵy eń jaqyn ornalasqan aýrýhanaǵa jetkizildi. Alǵashqy medıtsınalyq kómek kórsetilip, ataqty akterdiń jaǵy synǵany anyqtaldy.
Nedjatı Shashmazdy shuǵyl túrde operatsııa jasaýǵa alyp ketken sátte túsirilim alańyndaǵy áriptesteri ony aýrýhana baǵynda kútti. Nedjatıdiń operatsııadan keıingi jaǵdaıynyń qalypqa túskeni jaıly aýrýhana ákimshiligi erteń málimdemek.
