Qoqysty terezeden laqtyryp, lıftte qaldyratyn astanalyqqa aıyppul salyndy
NUR-SULTAN. QazAqparat – Nur-Sultan qalasynda qoqysty páter terezesinen laqtyryp, lıftke tastap ketetin 60 jastaǵy turǵynǵa 14 500 teńge aıyppul salyndy, dep habarlaıdy QazAqparat tilshisi.
Elordanyń Almaty aýdandyq polıtsııa bóliminiń ýchaskelik ınspektoryna Qoshqarbaev kóshesindegi úı turǵyndarynan kórshileri lıftke qoqys paketin tastap ketkeni týraly aýdıohabarlama túsken. Baqylaý kamerasyndaǵy jazbalardy teksergen polıtsııa ókili túngi saǵat 2.00-de áıeldiń eki paketpen lıftke kirip, shyǵarda qoqys paketin qaldyryp ketkenin anyqtaıdy.
«Bul atalǵan azamatshaǵa qatysty túsip otyrǵan alǵashqy shaǵym emes. Kórshileri onyń qoqysty kóbinese terezeden tastaıtynyn aıtyp otyr. Ýchaskelik ınspektor Júsip Abdramanov sol kúni úshinshi podezde turatyn 60 jastaǵy turǵyndy anyqtady. Belgilenbegen orynǵa qoqys tastaǵany úshin oǵan qatysty ákimshilik hattama toltyrylyp, 5 AEK mólsherinde aıyppul salyndy», - dep jazady Nur-Sultan qalasy Polıtsııa departamentiniń baspasóz qyzmetinen.
