Qoqystan jasalǵan músinder kórmesi ashyldy
ASTANA. QazAqparat - Nemis sýretshisi Ha Shýlt óziniń Trash People kórmesin Tel-Avıvke ákeldi, dep habarlady «Assoshıeıted Press».
Qoqystan jasalǵan 500 músin Arıel Sharonnyń saıabaǵynda ornalastyrylǵan. Onda jaqynda ǵana Izraıldiń eń úlken qoqys tastaıtyn jeri bolǵan. Adamǵa uqsas músinderdi jasaýda avtor ondaǵan tonna túrli qaldyqtardy: kompıýterlik detaldardan avtokólikterdiń eski bólikterine deıin paıdalanǵan. Tel-Avıvte kórme 26 sáýirge deıin bolady. Óziniń eksponattaryn Ha Shýlt álimniń kóptegen jerlerinde - Nıý-Iorkte, Parıjde, Rımde Máskeýdegi Qyzyl alańda, Gızedegi Mysyr pıramıdalarynda, Uly Qytaı qorǵanynda jáne Antarktıkada tanystyrǵan.
