Qoqystan tankige qarsy qoldanylatyn mına taýyp aldy
ASTANA. Shildeniń 7-si. QazAqparat - Shyǵys Qazaqstan oblysynda jergilikti turǵyn qoqystan tankige qarsy qoldanylatyn mına taýyp aldy, dep habarlaıdy QR Tótenshe jaǵdaılar mınıstrliginiń baspasóz qyzmetinen.
TJM habarlaýynsha, 2010 jylǵy shildeniń 6-synda Shyǵys Qazaqstan oblysynyń Borodýlıha aýdanyna qarasty Peremenovka aýylynan 500 metr jerdegi qoqystan jergilikti turǵyndar mınaǵa uqsas zat taýyp alǵan.
"Arnaıy júrgizilgen is-sharalar barysynda atalǵan zattyń TN 62 M markili tankige qarsy qoldanylatyn mına ekendigi anyqtaldy. TJM-niń habarlaýynsha, aýdandyq ishki ister bóliminiń qyzmetkerleri jarylǵysh zatty joıý úshin "Anna" sharýashylyǵynyń qoımasyna ornalastyrdy",- dep habarlaıdy baspasóz qyzmetinen.
