Qoqystan tabylǵan náreste sábıler úıine tapsyryldy
PAVLODAR. QazAqparat - Qoqys jáshiginen tabylǵan náreste Pavlodar oblystyq perınataldyq ortalyǵynan sábıler úıine aýystyryldy, dep habarlaıdy «QazAqparat» HAA tilshisi.
«Náresteni Pavlodar oblystyq sábıler úıine aýystyrdy. Onyń jaǵdaıy jaqsy, densaýlyǵy da jaqsardy. Olaı bolmaǵanda, bizdiń ortalyqta qalýshy edi», - dep habarlady bizdiń agenttikke Pavlodar oblystyq perınataldyq ortalyǵynyń bas dárigeri Aıman Ospanova.
Onyń aıtýynsha, nárestege zańdy esim men tek berý úderisi sábıler úıinde júrgiziledi.
«Onyń bıologııalyq anasynyń taǵdyry bizge beımálim», - dedi A.Ospanova.
Eske sala keteıik, Pavlodar qalasyndaǵy qoqys jáshiginen jańa týǵan náreste tabylǵan edi. Oblystyń bas dárigeri Oraz Muqashev qoqys konteınerinen tabylǵan sábıdiń densaýlyǵy týraly QazAqparat tilshisine aıtyp bergen bolatyn.
