Qoqystan qoltyraýyn tabyldy
ASTANA. QazAqparat - Reseıdiń Sankt-Peterbýrg qalasynda aýla sypyrýshylar uzyndyǵy jarty metr bolatyn Nil qoltyraýynynyń balasyn taýyp alǵan. Bul týraly lenta.ru jazady.
Kommýnaldyq sharýashylyq qyzmetkerleri kishkentaı qoltyraýyndy qum sebilgen jáshikke salyp, sý berip, sıyr etimen tamaqtandyrǵan.
Lenıngrad zoobaǵynyń qyzmetkerleri qalanyń kommýnaldyq sharýashylyq qyzmetkerlerinen qoltyraýyndy qalaı kútip ustaý kerektigi jaıly aqyl-keńesterin aıamasa da, ony ózderine qabyldaýdan bas tartqan. Olar muny bul janýardyń uzyndyǵy 3-4 metrge deıin jetip,tym uzyn bolyp ósetindigimen, sondyqtan ony kútip-baptap ustaýdyń qıyndyǵymen túsindirgen.
Ázirge bala qoltyraýyn qalany abattandyrý jónindegi bas dırektordyń keńsesin meken etip jatyr.
Mamandardyń aıtýynsha, qoltyraýynnyń jaryq dúnıege kelgenine nebári 3-4 kún ǵana bolǵan. Ony alyp kelgen adam qoltyraýynnyń jumyrtqasyn túıequstyń jumyrtqasymen shatastyryp alsa kerek.
