Qoqystan qajyǵan Lıvan halqy ereýilge shyqty
ASTANA. QazAqparat - «Qoqysty qurtyńdar!» Lıvan astanasynyń turǵyndary osyndaı uranmen qala kóshelerine shyǵyp, el bıligine narazylyq tanytty, dep habarlaıdy 24.kz.
Beırýttyqtardyń jappaı ereýilge shyǵýyna qalanyń túkpir-túkpirinde taǵam qaldyqtary sııaqty qoqystyń jınalmaı jatýy sebep bolǵan. Óıtkeni eldegi bılikte aýyzbirshilik joq. Qoqysty joıý máselesin sheshýge kelgende bir-birine siltep, qol qýsyryp qarap otyrǵanyna birneshe apta boldy.
El astanasyndaǵy masqara jaǵdaıǵa shydaı almaǵan halyq parlament ǵımaratyna ótpek bolǵanda, polıtsııa olarǵa sýmen men gaz shashyp, rezeńke oqpen atqylaǵan. Saldarynan 30-dan astam adam jaraqattanyp, aýrýhanaǵa tústi.
Qolda bar málimetterge qaraǵanda, sherýge 5 myńdaı adam qatysqan.
