Qoqys jáshiginen basy kesilgen áıeldiń denesi tabyldy
ASTANA. QazAqparat - Qyrǵyzstannyń Osh qalasynda qoqys salatyn jáshikten basy kesilgen adamnyń denesi tabyldy. Shamamen 40-50 jastaǵy áıeldiń óli denesin qoqys shyǵaratyn kásiporyn qyzmetkerleri kórip, polıtsııaǵa habar bergen, dep jazady Kabar.
Osh qalalyq ishki ister qyzmetkerleriniń habarlaýynsha, jaýyzdyqpen óltirilgen 51 jastaǵy áıeldiń ólimine, onyń 25 jastaǵy kelini men kelinniń apaıy kúdikti retinde ustalǵan.
25 jastaǵy kelinshektiń polıtsııa bólimshesine bergen túsiniktemesinde ol mundaı áreketke otbasyn saqtaý úshin barǵan. Ol enesiniń ózin ulyna eshqashanda teń kórmegendigin aıtqan.
Tergeý barysynda 26 tamyz kúni shamamen saǵat 7-ler shamasynda kúdikti áıeldiń kúıeýi jumysqa ketkennen keıin, ene men kelin arasynda janjal týǵan. Ashýǵa býlyqqan jas kelinshek taspen ensiniń basynan bir qoıyp, óltirip alǵan. Enesin óltirip alǵan áıel óziniń apaıyna shyndyqty aıtqan. Ápkesi kelgennen keıin ol enesiniń óli denesin bólshektep, úlken sómkege salyp, qalanyń basqa jaǵyndaǵy qoqys jáshigine aparyp tastaǵandyǵy anyqtaldy.
Oqıǵaǵa qatysty tergeý amaldary jalǵasyp jatyr.
