Qoqys úıindilerin ýaqtyly joımaǵan 86 laýazymdy tulǵa 7 mln teńge aıyppul arqalady

NUR-SULTAN. QazAqparat – Zańsyz qoqys tastalǵan jerlerdi joıý jumystaryn tıisinshe atqarmaǵan 86 laýazymdy tulǵa ákimshilik jaýapkershilikke tartyldy. Bul týraly Ekologııa, geologııa jáne tabıǵı resýrstar mınıstrligi málim etti, dep habarlaıdy QazAqparat tilshisi.

«Qoqys tastaıtyn jerlerdi joıý boıynsha nashar jumys istegeni úshin ekologııa departamentteri 86 laýazymdy tulǵany (ákimder men ákimder orynbasarlary) ákimshilik jaýapkershilikke tartty. Jaýaptylarǵa jalpy somasy 7 mln teńgeden astam aıyppul salyndy», - delingen vedomstvonyń resmı habarlamasynda.

Sondaı-aq, mınıstrliktiń málimetinshe, óńirlerdegi ekologııa departamentteri ishki ister mınıstrligi jáne jergilikti ákimdiktermen birlesip 2-3 shilde kúnderi zańsyz qoqys tastaýǵa qatysty reıd júrgizgen.

«Óndiris qaldyqtaryna qatysty halyq arasynda profılaktıkalyq jáne túsindirý jumystary júrgizildi. Odan bólek, qorshaǵan ortaǵa uqyppen qaraý týraly jadnamalar taratyldy», - dep habarlaıdy Ekologııa mınıstrligi.

Osy oraıda, atalǵan vedomstvo zańsyz qoqys tastaýǵa qatysty WasteEdit jáne wasteviewer mobıldi qosymshasynyń jumys isteıtinin jetkizedi.

Tolyq aqparatty «Qazaqstan Ǵarysh Sapary» servısterinen https://waste.gharysh.kz siltemesi arqyly, geoservısten http://oko.gharysh.kz siltemesi arqyly jáne «Oko KZ» mobıldi qosymshasynda kórýge bolady.

Foto: QR Ekologııa, geologııa jáne tabıǵı resýrstar mınıstrligi