Qoqys shyǵarýda problema bar – Almaty ákiminiń birinshi orynbasary

ALMATY. QazAqparat – Almaty ákiminiń birinshi orynbasary Erlan Qojaǵapanov qalalyq kommýnaldyq qyzmet jumysyna túsinikpen qaraýǵa shaqyrdy, dep habarlaıdy QazAqparat tilshisi.

Qaladaǵy qoqys kóleminiń kóbeıýine baılanysty kommýnaldyq qyzmettiń jumysy qıyndaǵan.

«Qoqys shyǵarýda problema kóp. Birinshi táýlikte bolǵan qıyndyqtardy eńserdik. Qoqys kólemi 100 paıyzǵa artty, erteń odan da kóbeıetini anyq. 330 qoqys shyǵaratyn kólik bul kólemdi shyǵaryp úlgere almaı jatyr. Qalalyq kommýnaldyq qyzmet ókilderi bir nársege úlgere almaı jatsa, túsinikpen qaraýǵa shaqyramyz. Energııa, sý, jaryqpen qamtý úzdiksiz jumys jasaıtyn bolady», - dedi ol.

Qala ákiminiń orynbasary almatylyqtardy úıde otyrýǵa shaqyrdy.