Qoqys shyǵarý tarıfin kóterý kerek – vıtse-mınıstr

NUR-SULTAN, QazAqparat - Qoqys tarıfin kótermegen jaǵdaıda elimizde turmystyq qatty qaldyqtar máselesi sheshilmeıdi. Bul týraly «Qazaqstannyń qaldyqtardy qaıta óńdeý strategııasy» taqyrybynda ótken Frantsııa Qazaqstan saýda-ónerkásip palatasynyń forýmynda Ekologııa, geologııa jáne tabıǵı resýrstar vıtse-mınıstri Ahmetjan Pirimqulov aıtty, dep habarlaıdy QazAqparat tilshisi.

«TMD-daǵy eń tómen tarıfter bizdiń elde. Eýropa týraly tipten aıtpaı qoıaıyn. Ókinishke qaraı, Almaty qalasy ǵana qoqys shyǵarý tarıfin 549 teńgege kóterdi. Astanada bul 246 teńge. Almaty qalasyndaǵy tarıfte qoqys shyǵarýmen qatar qaıta óńdeý tarıfi bar. Al Nur-Sultan qalasyndaǵy tarıf tek qoqys shyǵarý men joıý úshin ǵana, qaıta óńdeý tarıfi joq. Tarıf bolmaǵanmen, ádisteme bar. Túbi osyǵan kelýimiz kerek. Biz qoqys tarıfin kótermegen jaǵdaıda elimizde turmystyq qatty qaldyqtar máselesi sheshilmeıtinin túsinýimiz kerek», - deıdi vıtse-mınıstri Ahmetjan Pirimqulov.

Ol bul suraq jergilikti atqarýshy organdaryna qatysty ekenin aıtty.

«Biz tarıf kezeń-kezeńimen kóterilýi kerek dep sanaımyz. Tarıf baǵasy ár aımaqta birdeı bola almaıtyny túsinikti. Biz ár aımaqtyń ereksheligin, qaldyq mólsherin, materıaldyq jaǵdaıyn, halyqtyń áleýmettik toptaryn eskerýimiz kerek. Bul óte qıyn másele, sondyqtan «tarıf baǵasy 500 teńge, nemese 1000 bolýy kerek» dep aıtý – durys emes», - deıdi vıtse-mınıstr.

Eske sala ketsek, jıynda Frantsııa-Qazaqstan saýda-ónerkásip palatasynyń prezıdenti Jerar Frıes kásiporyndar qaldyqtarynyń quramynda ýly zattar joq ekendigin dáleldeýi kerek degen pikir aıtty.

Sondaı-aq, «Operator ÓKM» bas dırektory Sergeı ıÝrcha turmystyq qaldyqty suryptaý úshin aldymen jurtshylyqqa túsindirý kerektigi týraly aıtty.