Qoqys polıgonyna qaıta óńdeýge jaramsyz qaldyqtar ǵana jiberiledi
Qazaqstanda jyl saıyn shamamen 4-5 mln tonna qatty turmystyq qaldyq shyǵady. Onyń tek 18,3 %-y ǵana qaıta óńdeýge túsedi.
ıAǵnı qaldyqtyń 80% -dan astamy polıgondarǵa tógilip jatyr degen sóz.
«Jasyl ekonomıkaǵa» kóshý tujyrymdamasy boıynsha 2030 jylǵa qaraı eldegi qaldyqtardy qaıta óńdeý úlesi 40%, al 2050 jylǵa qaraı 50%-ǵa jetýi tıis.
Ekologııa, geologııa jáne tabıǵı resýrstar vıtse-mınıstri Ahmetjan Pirimqulov atalǵan mejeni oryndaý úshin Waste to Energy jobasyn iske asyrýdy usyndy.
Joba boıynsha budan bylaı qaıta óńdeý arqyly energııa óndirýge jaramsyz qaldyqtardy ǵana qoqys polıgonyna tógýge ruqsat etilmek.
Bastama ilki joba retinde áýeli Aqtóbe, Almaty, Óskemen, Nur-sultan, Qaraǵandy jáne Shymkent qalalarynda synaqtan ótedi.
Sharada sóz alǵan frantsııalyq sarapshy Per Hıttsberger bir Parıjdiń ózinde ǵana Ahmetjan Pirimqulov ataǵan jobaǵa uqsas prıntsıppen jumys isteıtin úsh zaýyt bar ekenin atap ótti.
