Qoqys polıgondarynyń basym bóligi sanıtarlyq talaptarǵa sáıkes emes - N.Qapparov
ASTANA. QazAqparat - Búgin Ortalyq kommýnıkatsııalar qyzmetindegi baspasóz máslıhatynda QR Qorshaǵan orta jáne sý resýrstary mınıstri Nurlan Qapparov Qazaqstan aýmaǵyndaǵy qoqys polıgondarynyń jaǵdaıy jaıynda aıtyp berdi.
«Qaldyqtar polıgondary máselesine toqtalatyn bolsaq, qoqys jınaıtyn oryndardyń 97 paıyzy sanıtarlyq talaptarǵa sáıkes kelmeıdi. Bul baǵytta Turmystyq qatty qaldyqtardy basqarý júıesi baǵdarlamasynyń jobasy boıynsha jumystardy taldaýy barysynda zerdelendi. Baǵdarlama qazirgi kezde qabyldaý kezeńinde», - dedi mınıstr. Onyń sózine qaraǵanda, Astanadaǵy qoqys polıgony ǵana sanıtarlyq talaptarǵa saı keledi, al qalǵandary eýropalyq standarttyń talabyna sáıkes emes kórinedi. «Sondyqtan da osy jumystar aıasynda tıisti sharalardy júzege asyratyn bolamyz. Turmystyq qatty qaldyqtardy basqarý júıesi baǵdarlamasy qabyldanǵannan keıin, biz paıdalanylyp jatqan polıgondar máselesimen aınalysyp, olardy qalypqa keltiremiz. Sonymen qatar eýropalyq talaptarǵa jaýap beretin jańa qoqys jınaıtyn oryndardyń qurylysyn iske asyrmaqpyz», - dedi N.Qapparov.
