Qoqys órteý zaýyty Nur-Sultannyń qaı bóligine salynady

«Nur-Sultan qalasynyń turmystyq qaldyqtaryn órteıtin zaýyttyń qurylysy qalanyń syrtynda josparlanǵan. Qazirgi polıgonnyń aýdanynda salynady. Búginde ol jerde qoqys suryptaý jelisi ornatylǵan. Zaýyt dál sol jerde salynady», - dedi Maǵzum Myrzaǵalıev halyq aldyndaǵy eseptik kezdesýinde.

Sondaı-aq, ol atalmysh zaýyt eýropalyq standarttar negizinde boı kóteretinin atady.

«Bul másele qatty alańdatyp otyrǵanyn túsinemin. Biraq bizdiń taraptan jan-jaqty ári tereń taldaýlar, zertteýler júrgizildi. Qazir bizde qoqystyń 82-83 paıyzy jerge kómiledi. Polıgondar arqyly bul máseleni sheshe almaımyz. Elimizde 3,5 myńnan astam polıgon bar. Sol polıgondardyń 18 paıyzynyń ǵana ahýaly salystyrmaly túrde jaramdy. Sondyqtan, máseleni keshendi jáne júıeli túrde sheshý kerek. Biz usynyp otyrǵan eýropalyq mehanızm osy máseleniń keshendi sheshim bolyp sanalady. Shvetsııa ekologııalyq turǵyda eń taza elderdiń biri ekenin bilesizder. Biraq sol elge Eýropanyń búkil elderinen ózen arqyly qaldyqtar keledi. Fınlıandııa týraly da osyny aıtýǵa bolady. Sońǵy 10 jylda bul eldegi ekologııalyq júıe de óziniń tıimdiligin kórsetti», - dedi mınıstr.