Qoqys alańyndaǵy ash pilder sýreti fotokonkýrs jeńimpazy atandy
NUR-SULTAN. QazAqparat – Tılahan Tarmapalan túsirgen Shrı-Lankadaǵy qoqys alańynda tamaq izdep júrgen ash pilder tabyny beınelengen sýret Koroldik bıologııalyq qoǵamynyń (RSB) fotosýret konkýrsynda jeńimpaz atandy, dep habarlaıdy QazAqparat VVS-ge silteme jasap.
Onda Ampara okrýgindegi qoryq mańaıynda tamaq izdep, qoqys alańyn kezip júrgen ash pilder túsirilgen.
Qaldyqtarmen ýlanǵan pilderdiń aýrýǵa shaldyǵýy jáne ólý jaǵdaılarynyń jıilenýine baılanysty taıaýda jergilikti bılik oryndary qoryq mańaıynda qoqys jınaýǵa tyıym salǵan bolatyn.
Bıylǵy jylǵy «Bizdiń ózgermeli álem» atty konkýrs taqyrybyn barynsha dál ashqan dep eseptegen tóreshiler Tarmapalan jumysyn eń úzdik shyǵarma dep tanyǵan.
Bul jeńis fotosýretshige shamamen 1300 dollar syıaqy ákeldi.
