Kóktóbege Týsson-Almaty dostyǵynyń belgisi qoıyldy
MATY. 16 qyrkúıek. QazAqparat /Erbol Azanbek/ - Búgin Almatydaǵy Kóktóbege AQSh-tyń Týsson qalasy men Almatynyń dostyǵynyń aıǵaǵy retinde eskertkish ashyldy.
Almaty Týsson qalasymen 1989 jyldan beri baýyrlas. Búgin sonyń aıǵaǵy retinde ashylǵan altyn tústes eskertkishti belgili amerıkandyq músinshi Mark Rossı jasaǵan. Ol óz týyndysynda Týsson qaraıtyn Arızona men Almatynyń belgisin, sondaı-aq «Týsson-Almaty» baýyrlas qalalar komıteti qurylǵan kúnnen bergi kezeńdi beınelegen.
Eskertkishtiń ashylýyna Almaty qalasynyń ákimi Ahmetjan Esimov, AQSh-tyń QR-daǵy ýaqytsha senimdi ókili Djon Ordveı, sondaı-aq «Týsson-Almaty» baýyrlas qalalar komıtetiniń ókili Djerrı Gerı bastaǵan Týsson qalasynyń delegatsııasy qatysty.
A.Esimov óz sózinde Almaty túrli elderdiń 17 qalasymen baýyrlas ekendigin , olarmen jaqsy qarym-qatnas jolǵa qoıylǵandyǵyn atap ótti. «Baýyrlas qalalar túrli mádenıet kúnderin, festıvaldar, mádenı sharalar ótkizip turady. Búgingi shara sonyń bir aıǵaǵy», - dedi qala ákimi. Ol sondaı-aq óz sózinde eskertkish eki qala dostyǵynyń kýási retinde tabıǵaty ásem Kóktóbege kelýshilerge qýanysh syılaıtyndyǵyn atap ótti.
