Kóktóbege kólikpen kirý quny 7 myń teńgege deıin ósip ketken – qala turǵyny shaǵymdandy

ALMATY. QazAqparat – Almatyda kólikpen «Kóktóbe» parkıngine (joǵarǵy stansa) kirý baǵasy 5 myń teńgeden 7 myń teńgege deıin ósti, dep habarlaıdy QazAqparat tilshisi.

Jelide Kóktóbeniń joǵarǵy stantsııasyna deıin kólikpen júrý baǵasyna shaǵymdanǵan áıeldiń vıdeosy tarady.

«Bul masqara, uıat jaǵdaı. Myna jerden ótkende kishkentaı árippen jazylǵan jazý tur, ol durys kórinbeıdi. Qarańyzdar, 7 myń jáne 200 teńge aıyrmashylyq bar (Omarov, 41 mekenjaıyndaǵy parkıngke kirý – red.). Eger aıyrmashylyǵy 10 ese, quny 2000 teńge bolsa túsiner edim. Biraq, bul 7 myń teńgege ne isteısizder? Kúnine bul jerden kem degende 200 kólik ótedi. Bul aqshany ne isteısizder sonda?» dep shaǵymdandy Almaty turǵyny.

«Kóktóbe» ákimshiligi 1 mamyrdan bastap parkıngke kirý quny óskenin habarlady.

«Buryn quny 5 myń teńge bolǵan, qazir 7 myń teńgege ósti. Sondaı-aq, praısqa sáıkes parkıngke (tómengi stantsııa) kirý quny - 500 teńge, park aýmaǵyna moped nemese mototsıklmen kirý quny – 1500 teńge, mıkroavtobýspen kirý – 15-25 myń teńge arasynda» delinedi habarlamada.

Aıta keteıik, «Kóktóbe» demalys saıabaǵy Almaty qalasynyń sımvolynyń biri sanalady. Ol teńiz deńgeıinen 1100 metr bıikte ornalasqan.