Kóktóbedegi órtten keıin Almatyda aýa lastandy
ALMATY. QazAqparat –Almatydaǵy Kóktóbe shatqalyndaǵy qurǵaq shóptiń órtenýine baılanysty, «Kazgıdromet» RMK qyzmetkerleri janý kózine jaqyn ornalasqan aýdandardaǵy 3 núkteden atmosferalyq aýanyń synamasyn aldy, dep habarlaıdy QazAqparat tilshisi «Kazgıdromet» RMK-ǵa silteme jasap.
- №1 núkte Ońdasynov 29,
- № 2 núkte Omarov 2a,
- № 3 núkte Dıvaev 35,
Іriktelgen aýa synamalarynda Medeý aýdanynyń №1 (Ońdasynov 29) núktesinde azot dıoksıdi boıynsha shekti jol berilgen shoǵyrlanýdan 1,2 ShJK asyp túsýi tirkeldi.
Bul asyp ketý eleýsiz, joǵary lastaný 10 ShJK-dan asqan kezde bolady. 20 ShJK-dan assa ekstremaldy joǵary lastaný bolyp tirkeledi.
Jalpy, Almaty qalasy boıynsha joǵary jáne ekstremaldy joǵary lastaný jaǵdaılary tirkelgen joq.
11-12 tamyz aralyǵynda Almaty qalasynda qurǵaq ońtústik tsıklonnyń yqpalynda boldy jáne 2-7 m/s álsiz jelmen az bultty ystyq aýa raıy saqtaldy, bul aýadaǵy lastaýshy zattardyń jınalýyna yqpal etýi múmkin.
