Kóktóbedegi attraktsıonnan qulaǵan jasóspirim: Sotqa deıingi tergeý bastaldy
ALMATY. QazAqparat– Almaty polıtsııasy Kóktóbedegi attraktsıonnan qulaǵan balaǵa qatysty sotqa deıingi tergeýdi bastady, dep habarlaıdy QazAqparat tilshisi.
«Sotqa deıingi tergeý barysynda, on tórt jastaǵy F. esimdi jasóspirimniń 2 qańtarda, Kóktóbe saıabaǵynyń aýmaǵyndaǵy attraktsıonnan qulap, aıaq-qolynyń synǵany anyqtaldy. Zardap shekken jasóspirimniń týystary bul jaǵdaı boıynsha eshkimge shaǵymdanbaıtyndyǵyn, balanyń attraktsıonnan baıqaýsyzda qulap ketkenin jetkizdi», - deıdi Almaty qalalyq PD.
Jábirlenýshi tarap shaǵym túsirmese de, Medeý aýdandyq polıtsııa basqarmasy QR Qylmystyq kodeksiniń 306-babyna sáıkes «Qaýipsizdik talaptaryna sáıkes kelmeıtin taýarlardy shyǵarý nemese satý, jumystardy oryndaý nemese qyzmetter kórsetý» boıynsha sotqa deıingi tergeýdi bastady.
Buǵan deıin, Kóktóbedegi attraktsıonda qulaǵan jasóspirimniń vıdeosy áleýmettik jelide paıda bolǵan edi.
Keıin dárgerler jasósipirimniń jaǵdaıy týraly aıtty. Bala aýrýhanaǵa túskende dárigerler medıtsınalyq tekserý júrgizip, naýqastyń qol-aıaǵy kóp jerinen synǵanyn anyqtady.
Eske salaıyq, oqys oqıǵa Kóktóbe demalys ornynda 2 qańtar kúni boldy.
