«Kóktóbedegi Kórisý kúni»: almatylyqtardy dybystyq drondar men robottar quttyqtady
ALMATY. KAZINFORM - 14 naýryz kúni Almatyda Ulystyń uly kúni – Naýryz meıramynyń bastaýy sanalatyn Kórisý kúni keń kólemde atalyp ótti. Merekelik is-shara qalanyń kórikti oryndarynyń biri – Kóktóbede ótken «Kóktóbedegi Kórisý» atty kontserttik baǵdarlamamen bastalyp, qala turǵyndary men qonaqtaryna erekshe áser syılady.
Bıylǵy merekelik keshtiń basty ereksheligi – zamanaýı tehnologııalardyń keńinen qoldanylýy boldy. Іs-shara dybystyq drondardyń áserli áýe shoýymen ashylyp, Kóktóbe aspany merekelik kóriniske bólendi. Joǵary tehnologııaly drondar áýede qala turǵyndary men qonaqtaryn Naýryz meıramymen quttyqtap, Kórisý kúnine tán erekshe merekelik atmosfera qalyptastyrdy. Bul áserli kórinis jınalǵan kópshiliktiń ystyq yqylasyna bólenip, kontserttiń sımvoldyq bastalýyna aınaldy.
Keshtiń eń erekshe ári kópshiliktiń qyzyǵýshylyǵyn týdyrǵan sátterdiń biri «Jasandy ıntellekt jyly» aıasynda robottardyń merekege qatysýy boldy. Zamanaýı robottar halyq arasyna shyǵyp, kópshilikpen kórisip, qushaqtasyp, merekelik kóńil kúı syılady.
Merekelik baǵdarlama «Alataý» dástúrli óner teatry artısteri daıyndaǵan teatrlandyrylǵan qoıylymmen jalǵasty. Qoıylymda qazaq halqynyń kóne dástúri – kórisý salty sahnalandy. Artıster kórermendermen kórisip, qushaqtasý arqyly Kórisý kúniniń máni men mańyzyn aıshyqtaı tústi.
Keshte qazaqstandyq tanymal óner juldyzdary óner kórsetti. Kontsertte Aıgúl Qosanova, Mádına Sádýaqasova, «Alataý serileri», «KeshYOU», «Made in KZ», «Tumar» toptary jáne «Saltanat» memlekettik bı ansambli kórermenderge merekelik kóńil kúı syılady.
Іs-sharaǵa 2000-nan astam adam qatysty. Bul kúni Kóktóbege kóteriletin aspaly jol kelýshiler úshin tegin boldy. Sonymen qatar merekege kelgen turǵyndar men qonaqtarǵa tegin shaı usynyldy.
Drondar men robottardyń qatysqan «Kóktóbedegi Kórisý» merekesi almatylyqtar men qala qonaqtaryna kóterińki kóńil kúı syılap, Naýryz meıramynyń bastalýyn aıshyqtaǵan mádenı oqıǵaǵa aınaldy. Bul bastama Almatyda Naýryz meıramyn jańa formatta atap ótýdiń erekshe úlgisi retinde este qaldy.
