Kóktóbede referendýmǵa deıingi ýaqytty kórsetetin jaryq ınstallıatsııasy ornatyldy

ALMATY. KAZINFORM – Almatydaǵy Kóktóbe telemunarasynda jańa jaryq ınstallıatsııasy paıda boldy. 

Telemunarada ornatylǵan arnaıy taımerde mańyzdy oqıǵaǵa deıin qansha ýaqyt qalǵany kórsetilip turady. 

Foto: Almaty óńirlik kommýnıkatsııalar qyzmeti

Keshki jáne túngi ýaqytta munarada jarqyn taqyryptyq jaryq shamdary qosylady: memlekettik rámizder, ulttyq oıý-órnekter, referendým ótetin kún – 15 naýryz, sondaı-aq qalǵan kúnder sany beınelengen.

Qazaqstannyń jańa Konstıtýtsııasyn qabyldaý jónindegi jalpyulttyq referendým 2026 jylǵy 15 naýryzda ótedi. Oǵan deıin 24 kún qaldy. 

Eske sala keteıik, buǵan deıin Astanada Qazaqstannyń jańa Konstıtýtsııasyn qabyldaý jónindegi respýblıkalyq referendýmǵa keri sanaq bastalǵanyn habarlaǵanbyz.