«Kóktóbe» teleortalyǵy aýmaǵynda demalys jáne sport saıabaǵy salynady
ALMATY. 3 shilde. QazAqparat - «Kóktóbe» teleortalyǵynyń aýmaǵyn barynsha utymdy paıdalanǵan jón. Qala ákimi Ahmetjan Esimov keshe teleortalyqta bolǵan kezde osylaı aıtty.
Shahar basshysynyń sózine qaraǵanda, munda bolashaqta demalys jáne sport landshafty saıabaǵy jasalmaq. Jobamen tanysqan A. Smaǵululy: «bul bir jaǵynan týrısterdiń demalýyna qolaıly jáne utymdy, ekinshi jaǵynan sáýlet keshenine esh nuqsan kelmeıdi», - dedi. Ahmetjan Esimov eki jyl buryn telemunarany týrızm nysany retinde paıdalaný jóninde usynys jasaǵan bolatyn. Aǵymdaǵy jyldyń naýryz aıynda Kólik jáne kommýnıkatsııa mınıstrimen tıisti kelisimshartqa qol qoıyldy. Onda teleortalyqty jańalaý, tehnıkalyq ǵımarattyń syrtqy kelbetin jańartý, landshafttyq aımaq qurý, týrıstik maqsattarǵa paıdalanylatyn bólmelerdi qaıta jasaý sııaqty mańyzdy ister qamtylǵan.
Qaıta qurý josparynyń bas jobalaýshysy - Qazaqstan dızaınerler odaǵynyń prezıdenti Tımýr Súleımenov. Saıabaqta Almatynyń tabıǵı murajaıy, saýyq-saıran ortalyǵy, balalar men jasóspirimder alańy, kınoortalyq, attraktsıondar, saltanat zaly, Qazaqstan halyqtarynyń mádenı ortalyqtarynyń galereıalary bolady dep josparlanýda.
