Kóktóbe bókterindegi 250 úıge tóngen sel qaýpi seıiletin boldy – Almaty qalasynyń ákimi
ALMATY. QazAqparat - Almaty qalasynyń ákimi Baqytjan Saǵyntaev Kóktóbeniń kóshkin qaýpi bar aımaqtaryn nyǵaıtý jumystary týraly aıtty, dep habarlaıdy QazAqparat tilshisi.
«Shildede Medeý aýdanyn aralaǵan kezde Kóktóbe taýynyń kóshkin qaýpi bar aımaǵyna ornalasqan birneshe úıdiń turǵyndary kómek kórsetýdi ótingen edi. Óıtkeni úılerge opyrylý qaýpi tónip, keleńsiz jaıt turǵyndardy alańdatqan bolatyn. Tamyz aıynda Gornyı, Gornovostochnyı jáne Begalın kósheleri tuıyqtalǵan taý bókterlerin bekitý bastalǵan bolatyn. Jalpy, 60 jeke úı ornalasqan 290 metr betkeı nyǵaıtylýy tıis edi», - dep jazdy Baqytjan Saǵyntaev Instagram-daǵy paraqshasynda.
Onyń aıtýynsha, batys jaqtaǵy qabyrǵany gabıonnan jasalǵan jeti metrlik tireýmen nyǵaıtý jumysy aıaqtaldy.
«Shyǵys jaǵyn qarashanyń sońynda bitiremiz, jalpy barlyq jumystar aıaqtalady. Osy aımaqta ornalasqan 250-ge jýyq turǵynnyń qaýpi seıiletin bolady»,- dedi ákim.
