Kóktemniń alǵashqy kúnderinde kún raıy qandaı bolady

ASTANA. KAZINFORM – Kúntizbe boıynsha kóktem jaqyndaǵanymen, keı óńirlerde qys áli qaharyna minip tur. 

Aýqymdy antıtsıklon Qazaqstan aýmaǵynyń basym bóligine yqpalyn saqtap, jaýyn-shashynsyz aıazdy aýa raıyn ustap tur.

Tek 2 naýryzdan bastap elimizdiń batys óńirlerine tsıklon jyljı bastaıdy. Sonyń áserinen qar jaýyp, boran soǵady, al ońtústik aımaqtarda jaýyn-shashyn (jańbyr, qar) kútiledi.

Jel kúsheıip, aýa temperatýrasy birtindep joǵarylaıdy. 

Aıta ketelik elordada kesheden beri aıazdyń beti qaıtpaı tur. Sol sebepti oqýshylar onlaın formatqa kóshirilgen edi.