Kóktemniń alǵashqy kúni Shymkentte badam aǵashy gúldedi
Shymkent qalasy Samal-2 móltekaýdanynyń turǵyny Kerimbı Kerimqulovtyń aýlasynda badam aǵashy gúldedi. Muny kópshilik jaqsylyqqa balap otyr.
«Biz badam dep ataımyz. Al, kópshilik mındal dep júr. Ózim 2009 jyly dánin alyp kelip ekken bolatynmyn. Úsh jyl boldy, qazir ónim alyp jatyrmyn. Bıyl da nyshan berip, gúldep tur. Bir aǵashtan 10 keli ónim alamyz» - deıdi turǵyn.
Jalpy badam aǵashy Tashkent, Tájikstan sekildi jyly aımaqta ósedi.
Qazir atalǵan aǵash Shymkenttiń de aınalasynda kóbeıip keledi. Kerimbı Kerimqulovtyń aýlasynda qazir eki túbi gúldep tur.
Al, qalǵan kóshetteri búr jaryp jatyr.
«Ózim 1000 túpke deıin kóbeıtip, tanystaryma úlestirip jiberdim. Alǵan ónimdi bala-shaǵam ermek etedi. Áli satýǵa kelmedi. Jalpy bazarda bir kelisi 5000 teńgeden satylyp jatyr» - deıdi turǵyn.
