Kóktemniń alǵashqy kúnderi elimizde qar jaýyp, kúshti jel soǵady
ASTANA. QazAqparat - 2-4 naýryz kúnderi Qazaqstanda jaýyn-shashyndy aýa raıy kútiledi, dep habarlaıdy QazAqparat «Qazgıdromet» RMK-ǵa silteme jasap.
Qazaqstanǵa Ortalyq Azııa men Reseıdiń Eýropalyq bóliginen bir ýaqytta tsıklondar jyljyp jatyr. Sondyqtan aldaǵy demalys kúnderi respýblıkada kúrdeli meteorologııalyq jaǵdaıdaǵy aýa raıy kútiledi. Qazaqstannyń basym bóliginde Reseıdiń Eýropalyq bóliginen keletin atmosferalyq fronttardyń áserinen qar jaýyp, keı jerlerde burqasyn bolady. Kúshti ekpindi jel turyp, jylýdyń áserinen kóktaıǵaq kútiledi.
Ońtústik oblystarda ońtústik tsıklonnyń áserinen jańbyr, jylbysqy qar, dúısenbide qatty jaýyn-shashyn bolýy yqtımal. Temperatýra aýytqýy múmkin, biraq batystan basqa aımaqtarda aýa temperatýrasy klımattyq normadan joǵary bolady. Batysta temperatýra normaǵa jaqyn jáne tómen.
