Kóktemgi sý tasqynyna ushyraýǵa beıim aýmaqtar kartasy túzetiledi
«Búgingi tańda elimizdiń barlyq óńirinde Tótenshe jaǵdaılarǵa, onyń ishinde kóktemgi sý tasqynyna ushyraýǵa beıim aýmaqtardyń kartasy bar. Kóktemgi sý tasqynyna ushyraýǵa beıim aýmaqtar kartasynda respýblıka boıynsha sý tasqyny qaýipti 1 048 eldi mekenniń barlyǵy kórsetilgen. Atalǵan derekter jyl saıyn túzetiledi. 2023 jylǵy sý tasqyny kezeńiniń ótý qorytyndysy boıynsha atalǵan karta túzetiletin bolady», - dedi Úkimet basshysynyń birinshi orynbasary jaýabynda.
Sonymen qatar ol Tótenshe jaǵdaılar mınıstrligi 2014 jyldan bastap «Qazaqstan ǵarysh sapary» UK» AQ-men tótenshe jaǵdaılardyń ǵaryshtyq monıtorıngin uıymdastyrý boıynsha yntymaqtastyq jasap kele jatqanyn atap ótedi.
«Qazirgi ýaqytta TJM úshin arnaıy ázirlengen geoaqparattyq júıege barlyq sý tasqyny qaýpi bar sel, syrǵyma, kóshkin qaýpi bar ýchaskeler, gıdrotehnıkalyq qurylystar, seısmıkalyq stantsııalar boıynsha derekter, barlyq órt sóndirý bólimderi boıynsha aqparat júktelgen», - dedi Roman Sklıar.
