Kóktemgi sý tasqyny: ShQO-da udaıy monıtorıng júrgizilýde

ÓSKEMEN. QazAqparat – Shyǵys Qazaqstan oblysynda qutqarýshylar men áskerı qyzmetshiler sý tasqynyna qarsy is-sharalardy jalǵastyrýda, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Qaraǵandy oblysynan kelgen № 52859 áskerı bóliminiń jeke quramynan 50 adam jergilikti atqarýshy organdar men turǵyndarǵa qardy shyǵarý, aryqtar men sý ótkizý qubyrlaryn tazalaý jumystaryna kómek kórsetýde.

«Olar Altaı aýdanynda uzyndyǵy 53 metr muzdy kesip, 9 sý ótkizý qubyry men 3700 metr aryqty tazalady. Inertti materıal salynǵan 720 dana ydys-qap tósep, 15 úıdiń aýlasyn qar men muzdan tazartty. Jeke quram táýlik boıy Buqtyrma men Hamır ózenderindegi jergilikti toǵannyń sý deńgeıine monıtorıng júrgizýde», - delingen habarlamada.

Budan bólek, Kókpekti aýdanynda 400 metr aryq, 16 aýla men 15 sý qubyry tazalanyp, 48 metr muz kesildi. Sondaı-aq 2500 dana ydys-qap tóselgen.