Kóktemgi sý tasqyny: Semeıde qaýipti 50 aımaq tizimnen shyǵaryldy
SEMEI. QazAqparat - Semeıde ótken jyly oryn alǵan kóktemgi sý tasqyny kezinde qala boıynsha 57 sý tasqyny qaýpi bar aýdan anyqtalǵan bolatyn. Búginde onyń 50-i qaýipti aımaqtar tiziminen shyǵarylyp, dep habarlaıdy QazAqparat Semeı aqparattyq ortalyǵyna silteme jasap.
Semeıde oblys ákimi Danıal Ahmetovtyń tapsyrmasy boıynsha, sý tasqynyna qarsy birqatar is-sharalar ótkizildi. Semeı qalasynyń ákimi Ermak Sálimov kóktemgi sý tasqynyna qatysty jaǵdaı kúndelikti baqylaýda ekenin aıtty. Búgingi kúni Ertis jaǵalaýyn bekitý jumystaryna qarajat bólinip, 3 kılometrden asatyn jer úıindiler tóselgen.
«Qala shegindegi Ertis ózeniniń uzyndyǵy 25 kılometrdi quraıdy. Ótken kóktemde qala boıynsha 57 sý tasqyny qaýipi bar ýchaski anyqtalǵan. Olardyń 50-i qaýipti aımaq tiziminen shyǵarylyp, qalǵan 7 ýchaskidegi sý basý qaýpi aldaǵy eki aıda joıylatyn boldy. Sonymen qatar Shúlbi sý qoımasymen ózenge turaqty monıtorıng júrgizilýde», -dedi qala ákimi.
Sonymen qatar, qalada bar 17 gıdrotehnıkalyq qurylysqa jaýapty tulǵalar belgilenip, qalalyq sý burý arnalary baqylaýǵa alyndy. 5 eldi mekende ortalyqtandyrylǵan habarlandyrý júrgizildi. ıAǵnı, kez-kelgen ýaqytta turǵyndar daýys zoraıtqysh baılanysy arqyly oryn alýy múmkin jaǵdaı týraly aıtty.
